Մասնակիցներ՝ Արևելյան դպրոցի 2․1,2․2,2․3,2․4 դասարանի սովորողներ, ծնողներ
Պատասխանատո Հռիփսիմե Առաքելյան, Սաթենիկ Սիմոնյան, Դիանա Գևորգյան, Անուշ Բարխուդարյան
Օգնական՝ Անի Գրիգորյան (ծնող)
Երաժշտական մասի պատասխանատու` Մարինե Մկրտչյան
Մեկնում՝ Մայր դպրոցի երթուղիների կանգառ, ապրիլի 5, 10։30- ին
Վերադարձ՝ Մայր դպրոցի երթուղիների կանգառ, 14:30-ին
Վայրը՝ Կոտայքի Մարզ, Գետարգել
Նպատակը և խնդիրներ
Կրկնազատիկի իրականացում Գետարգելի Ձագավանք վանական համալիրի բակում
Կրթական փոխանակման ծրագրի իրականացում Բլեյան կրթական բաց ցանցով
- Սովորողներին ծանոթացնել Զատկան ծեսին ՝ որպես ազգային և քրիստոնեական ծես , Զատկի խորհուրդներին /ածիկ, ակլատիզ, Ուտիս տատ, ներկած ձու ,ձուկ, չամչով փլավ ,զատկածառ /, զատկական ավանդույթներին ու սովորույթներին։
- Ծիսական երգ ու պարի ուսուցում
- Զատկական ծեսի իրականացում
- Սովորող-սովորեցնող նախագիծ ք. Աշտարակի Վ,. Պետրոսյանի անվան հիմնական դպրոցի առաջին դասարանցիների հետ
- Անհատական և թիմային աշխատանքի կարողությունների զարգացում
- Շրջակա միջավայրի ճանաչում, ուսումնասիրում, գնահատում, խնամք։
Գործողությունների նկարագրություն՝
- 10։00 ՝ մեկնում Մայր դպրոցի երթուղիների կանգառից
- 11։00՝ ժամանում Կոտայքի մարզի Գետարգել բնակավայր
- 11։00-11։30 ՝ Քայլք դեպի Գետարգելի Ձագավանք վանական համալիր
- 11։30-12։30՝ Զատկական ծեսի իրականացում Ձագավանք վանական համալիրի բակում
- 13:00-Ձվախաղեր,զատկական խաղեր
- 13։30՝ Վերադարձ
- 14։30՝ սովորողների ճանապարհում Արևելյան դպրոցի բակից
Երաժշտական կատարումներ
Զատկական երգերի փաթեթ
Զատկական և հոգևոր երգեր
Նախապատրաստական աշխատանք
Զատկից 25-30 օր առաջ զատկական օրացույց ենք պատրաստում ՝ զատիկին մնաց — օր ։ Ամեն օրվա համար զատիկ ,ճուտիկ , ձվիկ , ծաղիկ կամ համապատասխան այլ կերպար ենք փակցնում ։ Ստացված օրացույցից օրեկան մի կերպար հանելով հաշվում ենք ,թե Զատկին քանի օր մնաց ։
Պատրաստում ենք Ակլատիզ ։ Ամեն շաբաթ Ակլատիզի գլխից մի փետուր ենք հանում ՝ հաշվելով , թե Զատկին քանի շաբաթ մնաց ։
Ածիկ -Զատիկից 20-25 օր առաջ ցորենով ,գարիով և այլ հատիկներով հետաքրիր և անսովոր ածիկ-մարուկներ , ածիկ — բացիկներ , ածիկ — նվերներ ենք պատրաստում ։ Զատկածառ — Տոնից 15 -20 օր առաջ ծառի էտած ճյուղը զարդարում ենք ներկած ձվիկներով , զատկական խաղալիքներով,ճուտիկներով,գունավոր լենտերով ։
Մայրենի -Ծեսի նախապատրաստական աշխատանքների ընթացքում երեխաները սովորում են զատկական ասիկներ,հանելուկներ, խաղիկներ, առածներ, ասացվածքներ: Հորինում են հեքիաթներ, պատմություններ, խաղեր, հանելուկներ, ասույթներ, բանաստեղծություններ ։ Զատիկ , ձու , Ակլատիզ ․․․ և այլ զատկական բառերով նոր բառեր ենք կազմում , այդ բառերով հետաքրքիր պատմություններ ,հեքիաթներ են հորինում ։ Տատիկ — պապիկներից հարցազրույց ենք վերցնում «Զատկական պատմություններ»խորագրով ։
Реклама
https://c0.pubmine.com/sf/0.0.7/html/safeframe.html
ПОЖАЛОВАТЬСЯ НА ЭТО ОБЪЯВЛЕНИЕ
Զատկական ասիկներ, խաղեր
Հանելուկներ
1․ Ուլուլիկ, պուլուլիկ,
Մեջը դեղին ուլունք:
2.Տուն ունեմ, դուռ չունի,
Դուրսն արծաթ, մեջը ոսկի:
3․ Այսօր կլոր մարմար քար,
Վաղը թռչի վեր ու վար:
4․ Շնչավորից անշունչ ելավ,
Անշունչից շնչավոր:
5. Կարաս ունեմ մի պուճուր,
Մեջը՝ երկու գույնի ջուր:
Ասիկներ
***
Տի~զ- տի~զ, Ակլատիզ,
Մազդ բիզ-բիզ, Ակլատիզ,
Պասը գնաց, Զատիկն եկավ,
Այծն էլ խոտը կերել է:
***
Զատկեզատի՜կ է, նավակատի՜կ է, չամչեհատի՜կ է:
***
Կարմիր ձու տուր, կարմիր օր տամ։
***
Կարմիր արև քեզ, ախպեր,
Աստծու բարև քեզ, ախպեր:
Կարմիր եզին օղն ու կոճակ,
Կարմիր հավկիթս դուրս բերեք,
Ճերմակ հավկիթս ներս տարեք։
***
Զատիկն ասել ա` հենց գամ, արմանաս, հենց գնամ, զարմանաս:
***
Կարմիր ձուն Զատկին կսազե:
***
Հավը կուտե հատիկ, հատիկ, ծով ձմեռեն կելնե Զատիկ:
***
Զատիկ ավելի շուտ եկավ, քան նավակատիկը:
***
Զատիկը առանց ձվի չի լինի:
***
Զատիկ, Զատիկ, նավակատիկ,
Արի, նստի մեր տան մոտիկ,
Իմ հեր քե կանի ուր լաճիկ,
Իմ մեր քե կանի ուր հարսիկ,
Ես քե կուտամ իմ խաս գուլպեն,
Արի, խեր բեր մեր տան վրեն:
***
Հողմը փչեց ի հարավեն,
Ազատվեցին դաշտք ձյուներեն,
Բերկրություն է ամեն տղոց,
ՙՔրիստոս հարյավ ի մեռելոց՚:
***
Բյուրապատիկ Բյուրապատիկ, բյուրն պատիկ,
Ոսկե հատիկ ցորեն բշիկ,
Տա Աստված հազար Զատիկ,
***
Դուք լավ լինեք, շեն լինեք:
Տա ձեր սրտին Աստված անձրև,
Ձեր ամենին` երկար արև,
Տեր, թոն արա, թոն, թոն արա,
Գարի հացը բոլ-բոլ արա:
Զատկական ձվախաղեր, խաղեր
Ձուկոտրոցի
Ձուկոտրոցին խաղում են երկուսով: Մրցակիցներից յուրաքանչյուրը խաշած, չկոտրված ձու պետք է ունենա: Խաղացողներից մեկը ձուն պահում է ափի մեջ՝ բութ մատի և ցուցամատի օղակմամբ, չծածկելով ձվի քիթը, իսկ մյուսը պետք է աշխատի իր ձվի քթով հարվածել խաղընկերոջ ափի մեջ բռնած ձվի քթին այնպես, որ դիմացինի ձուն կոտրվի: Որից հետո «կռվեցնում» են ձվի բութ քթերը:
Ձվարշավ — Ձուգլդորիկ
Խաղը խաղում են կոտրված ձվերով՝ թեք տեղանքում: Ձվերը միաժամանակ և նույն տեղից գլորելու նպատակով կարելի է վերցնել մոտ մեկ մետր երկարության փայտ, որը որպես պատնեշ դրվում ե թեք տեղանքի վերևում: Մասնակիցները իրենց ձվերը կողք-կողքի շարում են փայտ-պատնեշի ետևում: Փայտը հեռացնելուն պես ձվերը բարձունքից վար են գլորվում՝ թողնելով ձվարշավի տպավորություն:
Ձուպտտոցի
Խաղացողները հրահանգով պտտում են ձվերը: Ում ձուն երկար պտտվեց, այդ ձուն համարվում է հաղթողը:
Աքլորակռիվ
Գծում են շրջան, որի մեջ «աքլորները», մեկ ոտքի վրա ցատկոտելով կռվելու են՝ ուսով դիմացինին հրելով: Նրանցից մեկը մյուսին շրջանից դուրս է հանում: Ցանկալի է՝ մյուս ոտքը գետնին չհպել, բայց, փոքրերի դեպքում, կարելի է հոգնած ոտքը փոխել: Հերթով խաղում են ցանկացողները: Պարտվողներ չկան, կա միայն ուրախ խաղ: Դիտողները կողքից վանկարկում են.
- Տիկ – տիկ – տիկ, գարի կտանք, ցորեն կտանք,
- Տիկ – տիկ – տիկ, գարի կտանք, ցորեն կտանք:
Ամենաուժեղ թռչունները
Ամեն մի թռչնանոցից երկուական թռչուն են խաղի հրավիրվում: Խաղի նպատակն է՝ մրցակիցներով երկու կողմերից բռնել ընդհանուր օղակից, ձգել այն ամեն մեկն իր կողմն ու փորձել վերցնել հետևում՝ մեկ մետր հեռավորության վրա դրված ձուն:
Ամեն մի թռչնանոցից ներկայացված զույգ խաղացողներից միայն մեկն իրավունք ունի մեկ ձեռքով բռնելու օղակից: Մյուս խաղընկերը մի ձեռքով բռնելու է ընկերոջ պարզած ձեռքը, իսկ ազատ ձեռքով աշխատելու է վերցնել հետևում՝ գետնին դրված ձուն:
Հաղթում է այն զույգը, որի խաղացողներից մեկի ձեռքին օղակն է, մյուսի ձեռքին ավարը՝ ձուն:
Խաղը կարելի կլինի խաղալ մեծերի՝ ծնողի, դաստիարակի, դպրոցահասակ սովորողների հետ:
Արագաշարժ թռչունները
Թռչունները բաժանվում են 2, 3, 4 խմբի, յուրաքանչյուր խմբի թռչունները կանգնում են իրար ետևից, իսկ խմբերը՝ մեկ գծով իրար կողքի: Խմբերն ունեն դատարկ կողով, որի մեջ պետք է լցնեն խմբերից հավասար հեռավորության վրա գտնվող կողովի ձվերը: Մասնակիցների խնդիրն է՝ կքանստած, թռչունի նման ոստոստալով (զմփիկ թռնելով), կողովի միջի ձվերը հերթով իրենց «բույնը» տեղափոխել:
Ճարպիկ թռչունները
«Թռչնանոցներն» ընտրում և խաղի են ուղարկում են իրենց ամենաճարպիկ «թռչուններին»՝ յուրաքանչյուրին տալով մեկ ձու: Խաղի համար ընտրում են ազատ տարածք, որի մեջտեղում «բույն» է տեղադրվում, և դրա մեջ մասնակիցների թվից մեկով պակաս ձվեր տեղադրվում: Հնչում է երաժշտությունը, և մասնակիցները ձեռքերը վեր պարզելով սկսում են պարել, պտտվել բնի շուրջը: Երաժշտությունն անակնկալ ընդհատվում է, նրանցից յուրաքանչյուրը փորձում է բնից արագ մի ձու վերցնել: Նա, ով դա անել չի կարողանում, խաղից դուրս է գալիս: Խաղը վերսկսվում է նորից, իհարկե, բնից մեկ ձու ևս պակասեցնելով, և շարունակվում է մինչև մասնակիցներից մեկը կմնա, ով էլ կհամարվի մրցույթի հաղթողը՝ ստանալով «Ամենաճարպիկ» տիտղոսը:
Արագակեր ձագուկը
Մասնակիցները զույգերով են՝ ձագուկն ու կերակրող մայրը:
Հրահանգն առնելուն պես «թռչնամայրերը» մեկական ձու են վերցնում, արագ մաքրում, փաթաթում լավաշի մեջ և պատառ-պատառ «ձագին» կերակրում: Նա, ով արագ կերավ, հաղթում է: Ընդ որում, «կերակրող մայրը» «ձագուկին» իրավունք չունի պատառ առաջարկելու, քանի դեռ նախորդ պատառը կուլ չի տվել:
Պահիր մայր թռչունին
Խաղացող թիմերը երկուսն են, որոնց մասնակիցները իրար հետևից միմյանց բռնած շարք են կանգնում: Առջևում թռչնանոցի մայր թռչունն է, մրցակից թիմը՝ դեմ դիմացը: Խաղավարի հրահանգով երկու թիմերի մայր թռչունները բռնում են իրար (կամ ձեռքերից կամ՝ մեջքից), և թիմերը սկսում են իրենց կողմը քաշել նրանց: Այն թիմը, որին հաջողվում է նախօրոք գծված սահմանից իր կողմը քաշել հակառակորդ թիմի մայր թռչունին, հաղթող է ճանաչվում:
Ամեն անգամ հաղթող կողմը զույգեր կազմելով շարք է կանգնում և, ձեռքերը կամար բռնած, վեր պահում: Պարտվածները անցնում են այդ կամարի, ասել է թե՝ «թրի տակով»: Խաղը ուրախ ու համերաշխ խաղալու համար վերջին հատվածը կարելի է կատարել ազգային պարի երաժշտության ուղեկցությամբ:
Մեդիատեխնոլոգիա — Հորինած պատմությունները մուտքագրում են , էլեկտրոնային փոստի միջոցով ուղարկում ։ Նկարում են իրենց հորինած պատմությունները paint ծրագրով։Համացանցից ՝ google որոնողական համակարգի օգնությամբ , Զատկական ծեսի մասին հետաքրքիր նյութեր են հավաքում ,կարդում են ,դասարանում պատմում են ընկերներին ։
Մաթեմատիկա — Զատկական խնդիրներ են հորինում և լուծում ։
Ես և շրջակա -Ձվի , զատիկի , ցորենի , հատիկների ,չամիչի ,սոխի ․․․․ մասին հետաքրքիր տեղեկություններ ենք հավաքում ,բնագիտական փորձեր ենք կատարում ։ Տեխնոլոգիա — Ներկում ենք ձվիկները , թելերով , ուլունքներով զարդարում ,զատկածառ ,Ակլատիզ ,Ուտիս տատ ենք պատրաստում ։
Վարորդ / Մեքենա
Վարորդ՝ Սամվել Սերոբյան, Հեռ.094728727
Մեքենա՝ 60DA077,22 նստատեղ
Մասնակիցների ցանկ
2.4 դասարան
- Աբրահամյան Լեո
- Հարությունյան Մոնիկա
- Ամիրյան Տիգրան
- Արքելաթյան Աննա
- Արամյան Տիգրան
- Գասպարյան Վարդան
- Մուրադյան Համլետ
- Սարգսյան Դավիթ
- Սարգսյան Ալեն
- Սարգսյան Անի Սոֆի
- Թամազյան Միլա
- Ղազարյան Նայսա
- Օրդուխանյան Արեգ
- Ներսիսյան Դավիթ
- Ալեքսանյան Արթուր
- Ալեքս Կիրակոսյան
- Զաքարյան Միքայել
- Իսահակյան Միհրան
Ամփոփումն՝ այստեղ։
Դիանա Գևորգյան 