Ընտրությամբ գործունեություն․բանավոր մաթեմատիկա (փետրվար)

«Մխիթար Սեբաստացի» կրթահամալիր

1-3-րդ դասարաններ

2023-2024 ուսումնական տարի

Դասընթացի նպատակն է.

Զարգացնել սովորողի դատողական ու տրամաբանական ընդունակությունները, հասկանալ մաթեմատիկայի գործածման կարևորութունը առօրյա կյանքում և զարգացնել համապատասխան հմտությունները:

Բանավոր մաթեմատիկա Անահիտ Հարությունյանի հետ

Հեղինակային կրթական ծրագրի հեղինակների ամենամյա 18-րդ ստեղծագործական հավաք

Ամենամյա 18-րդ ստեղծագործական հավաքի շրջանակում Արևելյան դպրոցի 6 տարեկաններն իրականացնում են տարբեր համագործակցային նախագծեր։ Այս անգամ համագործակցեցինք Անահիտ Հարությունյանի հետ, ում հետ սաները ճամփորդեցին դեպի մաթեմատիկայի կախարդական աշխարհ։

Հորինում ենք խնդիրներ

Բանավոր ուրախ մաթեմատիկան սովորողների ամենասիրած զբաղմունքներից է․․․ Այս անգամ երեխաներն ինքնուրույն հորինեցին խնդիրներ իրենց առօրյա կյանքի  մասին, որի ընթացքում հաշվեցին իրենց խաղալիքները, իրենց շրջապատող առարկաները , հետո համեմատեցին , թե որոնք էին շատ, որոնք` քիչ։

Տեսանյութ՝

Բանավոր մաթեմատիկա:Մայիս

Տրամաբանական խնդիրներ

1.Էրիկը համարակալված գնդիկներն այնպես բաժանեց երկու խմբի, որ յուրաքանչյուր խմբի գնդիկների վրա գրված թվերի գումարը նույնը ստացվեց: Ի՞նչ թիվ ստացվեց:

2.Քանի՞ քառակուսի կա նկարում:

3.Նկարին նայելով՝ կռահիր օրինաչափությունը և որոշիր, թե ինչ թիվ պետք է գրել երրորդ շրջանի մեջ:

4.Ո՞ր կտրոն է պոկվել պատկերից:

5. Երկուշաբթի Անին խնդիր լուծեց, երեքշաբթի ` 2 խնդիր, չորեքշաբթի ` 3 և այդպես շարունակ: Քանի՞ խնդիր նա լուծեց կիրակի օրը:

6. Տիգրանը Գոռից 4 մատիտ ավելի ունի: Նա քանի՞ մատիտ պետք է տա Գոռին, որպեսզի տղաները հավասար քանակությամբ մատիտ ունենան:

 

7. 20 ձախ կողմի թվերը հանում ենք, աջ կողմի թվերը գումարում, ստացվածը բազմապատկում:

 

8. Նայելով 2 թվանշանին` ո՞ր դեպքում ենք ասում 10:

9. 16 աղավնի նստած էին 2 ծառի վրա: Առաջին ծառից 5 աղավնի թռավ երկրորդ ծառի վրա, իսկ երկրորդ ծառից 2-ը թռան առաջինի վրա: Երկուսի վրա նույն քանակությամբ աղավնի եղավ: Սկզբում քանի՞ աղավնի կար յուրաքանչյուր ծառի վրա:

10. Երեք հավը 3 օրում ածում են 3 ձու: Քամի՞ ձու կածեն այդպիսի 12 հավը 12 օրում:

11. Տեխնոլոգիական աշխատանքներ կատարելու համար դպրոց բերեցին 40 մ կանաչ կտոր, 15- ական մետր կարմիր և կապույտ կտոր: Քանի՞ մետր կտոր մնաց 2 շաբաթ անց, եթե առաջին շաբաթվա ընթացքում օգտագործեցին 24 մետր, իսկ 2-րդ շաբաթում 18 մետրով ավելի:

Առցանց տեսադասեր

Հատված բանավոր մաթեմատիկայի առցանց տեսադասից.

Հատված ռուսերենի առցանց տեսադասից.

Բանավոր մաթեմատիկա. ապրիլ

Մի մարդ ապրում է 17-րդ հարկում։ Իր հարկ նա վերելակով կարողանում է բարձրանալ միայն անձրևոտ օրերին, կամ էլ երբ հարևաններից մարդ կա իր հետ, իսկ մնացած դեպքերում նա մինչև 9-րդ հարկ է գնում ու այնտեղից ոտքով է բարձրանում իր հարկ։ Ինչո՞ւ։

Մաթեմատիկական խնդիրների կազմումը և լուծումը՝ մանկավարժական խնդիր

Ֆլեշմոբի առաջին մակարդակի համար խնդիրները պետք է լինեն խաղարկելի` սովորողները կարողանան կենդանի խաղալ խնդրում բերված իրավիճակը, հետո սարքել դրա մոդելը: Խաղի արդյունքում սովորողները կստանան խնդրի պատասխանը: Հնարավոր կլինի խնդիրները լուծել սխալվելու-փորձելու եղանակով: Հիմնականում դասարանական քննարկումների ժամանակ հնարավորություն կունենան խնդիր լուծելու նոր գործիքների հետ ծանոթանալու։

Բանավոր մաթեմատիկա.հունվար

• Ֆլեշմոբի խնդիրների քննարկում

1. Արթուրը գարնանը 20 սմ բարձրություն ունեցող եղևնի տնկեց: Տնկին ամեն տարի բարձրանում է 20 սանտիմետրով: Տնկելուց քանի՞ տարի հետո Արթուրի եղևնու բարձրությունը կլինի 80 սմ:

2. 2019 թվականի դեկտեմբերի 1-ը կիրակի էր: Նարեն այդ օրը ներկեց կարմիր, հաջորդ օրը ներկեց դեղին, հաջորդ օրը ներկեց կանաչ: Եթե այս հերթականությամբ ներկի մնացած օրերը, ինչ գույն կունենա դեկտեմբերի 31-ը:

3. Ձմեռ պապը իր երեք օգնականների՝ Պեպեի, Բելլայի և Էլլայի համար 3 տարբեր գույնի գլխարկ-նվերներ պատրաստեց: Պեպեի գլխարկը ո՛չ կանաչ էր, ո՛չ դեղին: Բելլայի գլխարկը ո՛չ դեղին էր, ո՛չ էլ կարմիր: Որոշի՛ր Պեպեի, Բելլայի և Էլլայի գլխարկների գույները:

4. 2017 թվականի ամանորի տոնածառի համար սովորողները պատրաստել էին 46 կախազարդ: Դրանից հետո ամեն տարվա տոնածառի համար 7 կախազարդ ավելի են պատրաստել: Քանի՞ կախազարդ են պատրաստել 2020 թվականի տոնածառի համար:

5. Ամանորի հանդեսի ժամանակ 9 պար պարեցին: Յուրաքանչյուր պարից առաջ մի երգ երգեցին: Մի երգ էլ երգեցին հանդեսի վերջում: Քանի՞ երգ երգեցին հանդեսի ժամանակ:

6. Արմեը երկու եղբայր ունի՝ Գուրգենը, Հովսեփը:: Ձմեռ պապը նվերներ էր բերել՝ հեռախոս, պլանշետ, նոթբուք: Քանի՞ հնարավոր ձև կա նվերները եղբայրների միջև բաժանելու, եթե ամեն մեկը մի նվեր պետք է ստանա:

7. Երկու կիlոգրամ ալյուրից 40 գաթա կարելի է թխել: Երկրորդ դասարանցիները օգտագործեցին երեք ու կես կիլոգրամ ալյուր: Քանի՞ գաթա թխեցին:

8. Ձմեռ պապը Ամանորի գիշերը մտավ բարձրահարկ շենք: Նա յուրաքանչյուր հարկում թողեց այնքան նվեր, ինչքան այդ հարկի համարն էր: Քանի՞ հարկանի էր շենքը, եթե Ձմեռ պապը շենքում թողեց 36 նվեր:

9. Ձմեռ պապը այցելում է ճիշտ կեսգիշերին: Վարդուհին շատ էր ուզում տեսնել Ձմեռ պապին, բայց քունը հաղթեց նրան: Վարդուհին Ձնեռ պապի հայտնվելուց 15 րոպե առաջ քնեց: Ժամը քանիսին՞ Վարդուհին քնեց:

10. Տոնածառի վրա կարմիր, կապույտ, կանաչ, դեղին լույսեր կան: Միաժամանակ կարող են միացված լինել երկու գույնի լույսեր: Քանի՞ հնարավոր տարբերակ կա:

Բանավոր մաթեմատիկա — դեկտեմբեր

1. Անդրանիկը իր երկանիվ հեծանվով 200մ անցավ: Քանի՞ մետր անցավ նրա հեծանվի անիվներից յուրաքանչյուրը:

2. Դատարկ վանդակները լրացրեք 1, 2, 3, 4 թվանշաներով այնպես, որ ոչ մի տողում, սյունակում և 2×2 չափսի առանձնացված մասում կրկնվող թվանշան չլինի: Ի՞նչ թվանշան գրված կլինի վերևի տողի առաջին վանդակում:

Բանավոր մաթեմատիկա․ ընտրությամբ գործունեություն

«Մխիթար Սեբաստացի» կրթահամալիր
Բանավոր մաթեմատիկա
1-3-րդ դասարաններ

Ուսուցման նպատակները
Դասընթացի հիմնական նպատակն է․ իրական աշխարհի երևույթները մաթեմատիկորեն հետազոտելու ունակության դաստիարակումը, հնարավորություն տալու երեխաներին բացահայտելու իրենց, զարգացնել սովորողների ստեղծագործական ընդունակությունները, տրամաբանական մտածողությունը, խորացնել գիտելիքները, որոնք նրանք ստացել են դասերի ժամանակ, սովորեցնել ստեղծագործաբար մոտենալ յուրաքանչյուր խնդրի լուծմանը, կարողանալ տրամաբանական դատողություններ կատարել, ինքնուրույն մտածել, առանձնացնել խնդիրների  էական հատկանիշները, վերլուծել, ընդհանրացնել, համադրել սովորեցնել հարցեր տալ։