Ձյո՛ւն, փափո՛ւկ ձյուն, սպիտա՛կ ձյուն,
Զգո՛ւյշ իջի՛ր դաշտերին,,
Ծաղիկները մտել են քուն,
Հողն է նրանց անկողին:
Հանդա՜րտ, կամա՜ց իջի՛ր այնպես՝
Ծաղիկները չարթնանան,
Ծածկի՛ր նրանց քնքուշ ու հեզ,
Զգո՜ւյշ, զգո՜ւյշ անսահման:
Ձյո՛ւն, փափո՛ւկ ձյուն, սպիտա՛կ ձյուն,
Հանգի՜ստ, խաղա՛ղ իջի՛ր վար,
Ծաղիկները մտել են քուն,
Ծաղիկները ցրտահար:
Հեզ- Մեղմ, թույլ, քնքուշ, նրբին
Վար- Ցած, ներքև
Ցրտահար — Ցրտահարված, ցրտից վնասված, ցուրտը տարած
ՀԱՐՑԵՐ ԵՎ ԱՌԱՋԱԴՐԱՆՔՆԵՐ
1.Պատմի՛ր ձյան մասին:
- Նկարագրի՛ր. ինչպիսի՞ն է ձյունը
- Ինչպե՞ս է երկնքից իջնում:
- Ի՞նչ է լինում հետո …
2.Պատմի՛ր ծաղիկների մասին:
3.Բառակապակցություններ կազմի՛ր:
ինչպիսի՞
_________________________ տոնածառ
_________________________ ձյուն
_________________________ ծաղիկներ
_________________________ ձնեմարդ
_________________________ Ձմեռ պապ
_________________________ երեխաներ
_________________________ փաթիլ
ի՞նչ, ինչե՞ր
ձյունաճերմակ ____________________________
զարմանալի ______________________________
հետաքրքիր ______________________________
ցրտահար ________________________________
ձյունածածկ ______________________________
քնքուշ — __________________________________
կախարդական — __________________________
Դիանա Գևորգյան 