Օրը՝ Մայիսի 16
Ժամը՝ 10։00-10։40
Վայրը՝ Հարավային և Հյուսիսային դպրոց-պարտեզներ՝ Հյուսիսային լանջեր
Արևմտյան, Արևելյան դպրոց պարտեզներ և Քոլեջ՝ Արևելյան լանջեր
Մասնակիցներ` 5-6 տարեկաններ
Նպատակը՝ խմբային խաղերգերով-պարերգերով ներկայացնել յուրացրած ազգային երաժշտությունը
Խնդիրները՝
- խմբի հետ երգել,պարել
- զգալ երաժշտության ռիթմը և նվագակցել շրխկաններով
- բեմադրել խաղերգերը
Ընթացք
- շրխկան, ինքնաշեն և տարբեր շրխկաններով երգերին նվագակցելու հմտությունների ստեղծում
- խաղերգերը ուսուցանել 5-6 տարեկանների խմբերին
- ծանոթանալ խաղերգերին, նրանից բխող շարժումներով ստեղծել խաղային միջավայր
- տեսագրել խաղերգերը, տեղադրել ինչպես բլոգում, այնպես էլ ենթակայքերում
- պատրաստել համերգային հագուստներ, խաղերգին բնորոշ աքսեսուարներ
Արդյունքում սովորողը
- կիմանա խաղերգերը,
- կկարողանա երգել և խաղալ
- կլինի ազգային մշակույթը կրող, փոխանցող:
Խմբերը իրենց հետ պետք է ունենան բնական, ինքնաշեն, տարատեսակ շրխկան գործիքներ՝ փայտից, մետաղից գդալներ, ընկույզներ, վերջերս Ձմեռ պապիկի կողմից ստացած երաժշտական շրխկանները
Ծրագրում՝
- Ծափ-ռիթմիկ վարժությունների կատարում
- Հարի, հարի, խնոցի
- Փայտե ձիուկ
- Հինգ էծ ունեմ ուլերով
- Հաց թխելու խաղերգեր
- Աքլորակռիվ
- Գոմշակռիվ
- Պարան քաշոցի
- Աղջիկ փախցնոցի
- Զմփիկ, զմփիկ զարին ա
Դիանա Գևորգյան 